NBT mutaxassislari O’zbekiston Respublikasidagi DXSH va birinchi gibrid stansiya loyihasi doirasida Buxoro viloyatining G’ijduvon tumanida tadqiqotlar o’tkazdilar. Tadqiqotlar davomida butun loyiha hududida statsionar foto tuzoqlari o’rnatildi. Ushbu qurilmalar bu hududlarda yashovchi yovvoyi hayvonlar, sudralib yuruvchilar va qushlarning turlarini uzoq vaqt davomida qayd etish va keyinchalik aniqlash imkonini beradi. Ikki kunlik kuzatuvlar davomida butun loyiha hududida 10 ta kamera tuzoqlari o’rnatildi. Ushbu tadqiqot natijalari hududning biologik xilma-xilligini aniqlashga yordam beradi.