Nazar Business and Technology, LLC - NBT mutaxassislaridan iborat guruh HPBS kompaniyasi bilan birgalikda 18-19 iyul kunlari “Eng yaxshi xalqaro tajribalar boʻyicha issiqxona gazlari chiqindilarini hisoblash, optimallashtirish va kompensatsiya qilish” mavzusida ikki kunlik trening oʻtkazdi. Trening OTBning “Chorvachilik sohasida qo‘shimcha qiymat zanjirini yaratishni rivojlantirish” loyihasi doirasida o‘tkazildi. Treningning birinchi kunida iqlim xatarlari, iqlim oʻzgarishi sohasidagi asosiy xalqaro shartnomalar, issiqxona gazlari chiqindilarini hisoblashda qoʻllaniladigan standartlar va protokollar, jumladan, ISO 14064 va GHG protokoli masalalari muhokama qilindi. Shuningdek, O‘zbekistonning qurg‘oqchil iqlimida iqlim o‘zgarishi, moslashish va barqaror rivojlanish masalalari alohida blok sifatida ko‘rib chiqildi. Amaliy mashg‘ulot davomida trening ishtirokchilari ma’ruzachilar rahbarligida Scope 1, Scope 2 va Scope 3 tizimlaridan foydalangan holda tabiiy gazning yonishi natijasida atmosferaga chiqariladigan issiqxona gazlarining o‘quv hisob-kitoblarini amalga oshirdilar. Treningning ikkinchi kuni ishtirokchilar zamonaviy AKTdan foydalangan holda o‘tkazilgan amaliy mashg‘ulotlar bilan davom etdilar. PERIX platformasi asosida onlayn tarzda ishtirokchilar turli faoliyat sohalari: energetika, kimyo sanoati, uy-joy majmuasi va PERIX platformasiga kiritilgan boshqa variantlar uchun issiqxona gazlari hisob-kitoblarini amalga oshirdilar. Shu kuni issiqxona gazlari hisoboti uchun tekshirish, uglerod izini hisoblash va yashil energiya sertifikatlari bo'yicha ma'ruzalar tinglandi. Trening yakunida test sinovlari oʻtkazildi va uning natijalariga koʻra oʻtish ballini toʻplagan barcha ishtirokchilarga sertifikatlar topshirildi.