Zafarobod qishlog‘ida 500 MVt quvvatga ega “Artimisya gibrid loyihasi” gibridli energetika loyihasini amalga oshirish va atrof-muhitga ta’sirni baholash bo‘yicha milliy talablarni bajarish doirasida jamoatchilik muhokamalari bo‘lib o‘tdi.
Mazkur tadbir doirasida NBT kompaniyasi va “Voltalia Tashkent” MChJ vakolatxonasi tomonidan amalga oshirilayotgan loyiha yechimi taqdimoti o‘tkazildi, hamda ijtimoiy va ekologik jihatlar ko‘rib chiqildi. Tadbirda barcha manfaatdor shaxslar, Ekologiya, atrof-muhitni muhofaza qilish va iqlim o‘zgarishi vazirligining hududiy bo‘linmalari vakillari, hokimlik, mahalla qo‘mitalari vakillari, mahalliy aholi va boshqalar ishtirok etdi. Jamoatchilik muhokamalarida barcha ishtirokchilar loyiha qarorini ma’qulladilar, uning doirasida qo‘shma bayonnoma imzolandi.